ՀՀ ազգային ժողովի ընդդիմադիր «Հայաստան» խմբակցության թեկնածու Արթուր Ղազինյանը 14-րդ անգամ չընտրվեց ԱԺ պաշտպանության և անվտանգության հարցերի մշտական հանձնաժողովի  նախագահի տեղակալի պաշտոնում:

 

«Արմենպրես»-ի հաղորդմամբ`  հանձնաժողովի նիստում պատգամավոր Գեղամ Մանուկյանը պնդեց, որ իրենց թեկնածուն չի փոխվելու, մինչև հարցը հանգուցալուծում չստանա:

 

«Մենք բազմիցս ասել ենք, որ այս հարցով ներկայացրել ենք բոլոր պարզաբանումները, թեկնածուն ներկայացրել է իր դիրքորոշումը, պատասխանել է բոլոր հարցերին: Մենք շարունակում ենք մնալ այն դիրքորոշմանը, որ այս հարցը գտնվում է իշխանական պատգամավորների տիրույթում, հարցի քննարկմանը մասնակցելու իմաստ չենք տեսնում»,- ասաց նա:

 

Ընդդիմադիր պատգամավորները լքեցին նիստերի դահլիճը:

 

Քվեարկությամբ Ղազինյանը չընտրվեց հանձնաժողովի նախագահի տեղակալի պաշտոնում:

 

 

 

Նոյյան տապան   -   Ի՞նչ է գրում մամուլը