Ռուսաստանի կողմից լայնածավալ էսկալացիայի հավանականությունը աճում է․ Ուկրաինայի պաշտպանության նախարար
03-12-2021 15:33:44 | Հայաստան | Ի՞նչ է գրում մամուլը
03-12-2021 15:33:44 | Հայաստան | Ի՞նչ է գրում մամուլը
Lragir.am. Ուկրաինայի պաշտպանության նախարար Ալեքսեյ Ռեզնիկովը հայտարարել է, որ երկրի սահմանների մոտ ռուսական զորքերի թիվը, որոնք, նրա կարծիքով, կարող են օգտագործվել Դոնբասի շուրջ իրավիճակը սրելու համար, կազմում է մոտ 94,3 հազար մարդ, գրում է ՌԻԱ Նովոստին։
«Այժմ Ուկրաինայի շուրջ և ժամանակավորապես օկուպացված Ղրիմում մշտական պատրաստության մեջ են 41 գումարտակային-մարտավարական խմբեր, որոնցից 33-ը մշտական հիմունքներով, 8-ը լրացուցիչ տեղափոխվել են Ղրիմ։ Զորքերի ընդհանուր թիվը Ռուսաստանի Դաշնության տարածքում, ինչպես նաև ժամանակավորապես օկուպացված տարածքներում, որոնք կարող են ներգրավված լինել էսկալացիայի համար, այսօր գնահատվում է 94,3 հազար մարդ», – ուրբաթ օրը Կիևի Գերագույն ռադայում կառավարությանն ուղղված «հարցերի ժամի» ժամանակ ասել է Ռեզնիկովը։
Նրա խոսքով՝ էսկալացիայի համար Ռուսաստանի պատրաստ լինելու ամենահավանական ժամանակը 2022 թվականի հունվարի վերջն է։
«Մեր հետախուզությունը վերլուծում է բոլոր սցենարները, այդ թվում՝ ամենավատերը: Նշվում է, որ Ռուսաստանի կողմից լայնածավալ էսկալացիայի հավանականությունը աճում է» , – ասել է Ուկրաինայի ՊՆ Ռեզնիկովը։
Նոյյան տապան
- Ի՞նչ է գրում մամուլը
Լուրեր Հայաստանից եւ Սփյուռքից