ՀայՓոստը «Եվրոպա 2022. Պատմություններ և առասպելներ» թեմայի շրջանակում հայտարարում է նամականիշի պատկերազարդման (դիզայնի) մրցույթ: Մրցույթին մասնակցելու համար անհրաժեշտ է նամականիշի պատկերազարդումն իրականացնել հայկական հայտնի առասպելների մոտիվներով և մինչև փետրվարի 15-ը ներկայացնել ՀայՓոստին՝ ուղարկելով [email protected] էլեկտրոնային փոստին: 

 

ՀայՓոստը հաղթողին կպարգևատրի 200.000 (երկու հարյուր հազար) դրամով, ինչպես նաև նամականիշը կներկայացնի PostEurop-ի կողմից հայտարարվող միջազգային ամենամյա EUROPA նամականիշերի մրցույթին, որտեղ 2019 թ.-ին Հայաստանի նամականիշը (գյուղական ծիծեռնակ) զբաղեցրել է առաջին, իսկ 2020 թ.-ին Գյումրին պատկերված նամականիշը՝ երկրորդ հորիզոնականը: 

 

 «Ինչպես հայտնի է, նամականիշը փոստային վճարման պետական նշան է: Ըստ իս, մեծ պատիվ է հանդիսանալ պետական այս խորհրդանիշների հեղինակ: Նամականիշների միջազգային «Եվրոպա» մրցույթը այս ոլորտի ամենահեղինակավոր մրցույթներից մեկն է, որին էլ կմասնակցի հաղթող նամականիշը: Այս տարվա մրցույթի թեման՝ ազգային առասպելներ, հեղինակներին թույլ կտա աշխարհին պատմել հայկական հին առասպելների և լեգենդների մասին, արտահայտել իրենց ստեղծագործական հնարավորությունները»,- նշեց ՀայՓոստի ֆիլատելիայի բաժնի ղեկավար Շուշան Ալեքսանյանը։

 

Մրցույթին կարող է մասնակցել ցանկացած ֆիզիկական և իրավաբանական անձ։ Յուրաքանչյուր մասնակից կարող է ներկայացնել նամականիշի մեկ կամ մի քանի էսքիզ (դիզայն) մինչև 2022թ. փետրվարի 15-ը, դրանք ուղարկելով [email protected] էլեկտրոնային փոստին:  

 

Հայտը պետք է պարունակի նամականիշի դիզայնի բարձր որակի լուսանկար՝ JPEG կամ PNG ձևաչափով, մասնակցի անձը հաստատող փաստաթղթի էլեկտրոնային պատճեն, կոնտակտային հեռախոսահամարը և այլն։ 

 

Մրցույթի պայմանների և ներկայացվող անհրաժեշտ փաստաթղթերին կարող եք ծանոթանալ կից հղումով 

 

ՀայՓոստ ՓԲԸ

 

 

 

 

Նոյյան տապան   -   Ի՞նչ է գրում մամուլը