Իրավաբան.net. ՌԴ նախագահի մամուլի քարտուղար Դմիտրի Պեսկովը հայտարարել է, ապրիլի 26-ին Մոսկվա կժամանի ՄԱԿ-ի գլխավոր քարտուղար Անտոնիու Գուտերեշը: Ինչպես տեղեկացնում է «Արմենպրես»-ը, վկայակոչելով «Գազետա» կայքին, Կրեմլի ներկայացուցիչը նշել է, որ ՌԴ ԱԳ նախարար Սերգեյ Լավրովի հետ բանակցելու համար կժամանի ՄԱԿ-ի գլխավոր քարտուղար Անտոնիու Գուտերեշը:

 

«Նրան նաև կընդունի Ռուսաստանի նախագահ Վլադիմիր Պուտինը», – ասել է Պեսկովը:

 

Հիշեցնենք, որ փետրվարի 24-ին՝ վաղ առավոտյան, Ռուսաստանի նախագահ Վլադիմիր Պուտինը հայտարարել էր, որ սկսում է հատուկ ռազմական գործողություն Ուկրաինայի տարածքում, որի խնդիրն է ապահովել Դոնեցկի և Լուգանսկի հանրապետությունների անվտանգությունը, ինչպես նաև հեռացնել Ուկրաինայի «նացիստական ռեժիմը»:

 

ԱՄՆ-ն ու ԵՄ-ն գնահատել են ՌԴ-ի այս քայլն իբրև Ռուսաստանի կողմից ուղղակի ագրեսիա ընդդեմ Ուկրաինայի տարածքային ամբողջականության և ինքնիշխանության։

 

Գերագույն Ռադան Ուկրաինայում ռազմական դրություն է մտցրել։

 

 

 

 

 

Նոյյան տապան   -   Ի՞նչ է գրում մամուլը