Հուլիսի 8, 2021թ, Երևան. Գաֆէսճեան արվեստի կենտրոնը (ԳԱԿ) հայտարարում է «Հուշերի տուն» նոր կրթական ծրագրի մեկնարկը:

 

Շարունակելով կարևորել թանգարանային կրթությունը, ԳԱԿ-ը ներկայացնում է «Հուշերի տուն» կրթական ծրագիրը՝ հիմնված «Գագիկ Հարությունյան. մոռացումի անսպասելի գեղեցկությունը» ցուցադրության վրա: Այն նախատեսված է յոթ տարեկանից բարձր դպրոցականների և ընտանիքների համար։

 

Կրթական ծրագրի նպատակն է ներկայացնել հայ ժամանակակից արվեստագետ Գագիկ Հարությունյանի ստեղծագործությունները՝ մասնակիցների միջև քննարկում ծավալելով հիշողություն երևույթի և ցուցադրված ստեղծագործություններում դրա արտացոլման  շուրջ:

 

ԳԱԿ-ի Ստեղծագործական սրահում մասնակիցներն իրենց հետ բերված լուսանկարների պատճենների օգնությամբ կստեղծեն կոլաժային կոմպոզիցիաներ՝ օգտագործելով Գագիկ Հարությունյանի «Ընտանեկան դիմանկար» շարքի ստեղծագործությունների կոնցեպտը: Կրթական ծրագիրը նաև հրաշալի առիթ է մասնակիցների համար վերարտադրելու իրենց վաղ մանկական հուշերը և կիսվելու իրենց լուսավոր պատումներով:

Մասնակցությունը՝ անվճար, պարտադիր նախնական գրանցմամբ:         

           

Ծրագրին մասնակցելու համար խնդրում ենք զանգահարել (+374 10) 54-19-32/34 հեռախոսահամարով։       

 

                                                                                   

 

 

Նոյյան տապան   -   Մամլո հաղորդագրություն